Daily Archives: ஒக்ரோபர் 1, 2017

ஹோவர்ட் கார்டனரின் பல்திறன் கொள்கை குழந்தைகளின் திறமையை கண்டறிய உதவுமா?

நம் குழந்தைகள் எல்லா விஷயத்திலும் புத்திசாலிகளாக இருக்க வேண்டும் என்று அவசியமில்லை என்கிறார் டாக்டர் ஹோவர்டு கார்டனர் (Dr.Howard Gardner) என்ற அமெரிக்க காக்னிட்டிவ் சைக்காலஜிஸ்ட். அமெரிக்காவில் பென்சில்வேனியா நகரைச் சேர்ந்த ஹோவர்டு கார்டனரை ‘பல்திறன் கொள்கை’ (Multiple Intelligence) என்ற உளவியல் கொள்கை மூலம் பலருக்கு நன்றாக தெரியும். முதலில் Frames of Mind (1983) என்ற கட்டுரையில் ஏழு திறன்களை உலகுக்கு அறிவித்தார். பின்னாளில் இக்கோட்பாடு நீட்டிக்கப்பட்டு Intelligence Reframed (1999) என்ற கட்டுரையில் மாற்றியமைக்கப்பட்டது. கார்டனரின் பல்திறன் கோட்பாடு ஆசிரியர்களையும் (teachers) , பள்ளியின் தலைவர்களையும் (school leaders), சிறப்பு கல்வியாளர்களையும் (special educators) கவர்ந்தது. குழந்தைகளும், பருவ வயதினரும் பலவழிகளில் நுண்ணறிவாளனாய் இருக்க முடியும் என்று இவர்கள் புரிந்து கொண்டார்கள். ஐ.கியூ. டெஸ்ட் எனப்படும் அளவிடல் முறையைப் பயன்படுத்தி குழந்தைகளின் ஒன்றிரண்டு அறிவை மட்டுமே சோதிக்க முடியும். இந்த ஐ.கியூ டெஸ்டை வைத்து ஒரு குழந்தையின் நுண்ணறிவினை துல்லியமாக மதிப்பிட முடியாது என்பது இவர் வாதம்.

ஐ.கியூ. டெஸ்ட்டுக்குப் பதிலாக கார்டனர் விவரித்தது சற்று சிக்கலான கொள்கையாகும். மனித அறிவுத்திறன் (human intelligence) என்பது தன்னாளுகைக்கு உட்பட்ட, ஒன்றிற்கொன்று தொடர்புடைய, அறிவுசார்ந்த கொள்திறன்களாகும் (relatively autonomous intellectual capacities). இவற்றின் எண்ணிக்கை எட்டு அல்லது அதற்கு மேல்.

Continue reading

Posted in அறிவுத்திறன், உளவியல், கற்பிக்கும் கலை, பெற்றோர்கள் | Tagged , , | பின்னூட்டமொன்றை இடுக