Category Archives: இணைய நூலகம்

அமேசான் கிண்டில் நேரடி வெளியீட்டில் உங்கள் புத்தகத்தை மின்னூலாக வெளியிடுவது எப்படி?

ஒரு புத்தகத்தை, வெளியிடும் தருவாயில்  வைத்துக்கொண்டுள்ள நூலாசிரியர், இரண்டு வழிகளில் வெளியிடலாம்: 1. மரபு வழியில் அச்சிட்டு ஒரு பதிப்பாளர் (publishing house) வாயிலாக வெளியிடுவது; 2. ஆசிரியரே தன் புத்தகத்தைச் சுயமாக அச்சிட்டு வெளியிடுதல் (self-publishing). சில காலத்திற்கு முன்பு வரை சிறந்த எழுத்தாளர்கள் கூட தங்கள் நூல்களை வெளியிட பதிப்பகங்களைத் தேடி அலைய வேண்டியிருந்தது. தற்போது புத்தகத்தை சுயமாக அச்சிட்டு வெளியிடும் முறையே பரவலாகி வருகிறது. சுயமாகப் புத்தகம் வெளியிடுவது பற்றி ஆய்வு மேற்கொண்டோர் அமேசான் கே.டி.பி (Kindle Direct Publishing (K.D.P.) பற்றி எளிதாகத் தெரிந்து கொண்டிருப்பார்கள். கிண்டில் நேரடி வெளியீடு கே.டி.பி. என்றால் என்ன?  தமிழ் நூலாசிரியர்கள் இதனை எவ்வாறு பயன்படுத்திக் கொள்ளலாம்? கிண்டில் நேரடி வெளியீடு பற்றிய நிறை குறைகளையும் கே.டி.பி. செலெக்ட் பற்றியும் இந்தப் பதிவில் தெரிந்துகொள்ளலாம். Continue reading

Advertisements
Posted in இணைய நூலகம், தமிழ் | Tagged , , , , | 4 பின்னூட்டங்கள்

ப்ராஜெக்ட் மதுரை: மதுரை தமிழ் இலக்கிய மின்பதிப்புத் திட்டம் பொங்கலன்று தன் 20 ஆம் ஆண்டை நிறைவு செய்கிறது.

வரும் தமிழர் திருநாளான பொங்கல் (2018 ஆம் ஆண்டு ஜனவரி 14 ஆம் நாள்) திருநாளன்று  மதுரை (Project Madurai) அல்லது மதுரை திட்டம் அல்லது மதுரை தமிழ் இலக்கிய மின்பதிப்புத் திட்டம் – 20 ஆம் ஆண்டு விழாவைக் (585 மின்பதிப்புகள்) கொண்டாடுகிறது.\ 1998 ஆம் ஆண்டு ஜனவரி 14 ஆம் நாள் தமிழர் திருநாளான பொங்கல் அன்று ஆரம்பிக்கப்பட்ட ப்ராஜெக்ட் மதுரைத் திட்டம் இன்றும் தொடர்ந்து இயங்கி வருகிறது.

ப்ராஜெக்ட் மதுரை (Project Madurai) என்பது பண்டைய மற்றும் சமகாலத் தமிழ் இலக்கியங்களை ஆவணப்படுத்தி இலவசமாக வெளியிடும் ஒரு திறந்த, தன்னார்வ, உலகளாவிய முயற்சியாகும். உலகெங்கிலுமிருந்து பல அரிய தமிழ் இலக்கிய நூல்களைச் சேகரித்துப் பாதுகாப்பது ப்ராஜெக்ட் மதுரை திட்டத்தின் முக்கிய குறிக்கோளாகும். தமிழ் இலக்கியத்திற்கான மின்னூலகம் ஒன்றை உருவாக்கி வரும் தலைமுறையினரின் பயன்பாட்டுக்கு அளிப்பது இந்தத் திட்டத்தின் செயல்முறையாகும். Continue reading

Posted in இணைய நூலகம், இலக்கியம், தமிழ் | Tagged , , , , | 7 பின்னூட்டங்கள்

தமிழில் மின்னூல்கள்: அமேசான் கிண்டில் இ-புக்ஸ், கூகுள் பிளே மற்றும் சிறு தரவுத் தளங்கள்

கணினியில் iOS, Android, Mac மற்றும் PC களுக்கான இலவச அமேசான் கிண்டில் செயலிகள் இலவசமாகக் கிடைக்கிறது. இதனைக் கணினியில் கூகுள் பிளே ஸ்டார் அல்லது ஆப்பிள் பிளே ஸ்டார், அல்லது அமேசான் கிண்டில் ஆப் போன்ற இயங்குதளங்களில் தரவிறக்கம் செய்து கொள்ளலாம். அமேசானில் தற்போதுள்ள மின்னூல்கள், ஏற்கனெவே அச்சு வடிவில் வெளியிடப்பட்ட நூல்களாகும். இந்த மின்னூல்கள் அமேசானின் இந்திய தளத்தில் மட்டும் விற்பமனையாகின்றன.
நீங்கள் வைத்துள்ள ஆண்ட்ராய்டு டேப்லெட், கிண்டில், நூக் போன்ற எந்தக் கருவியை வேண்டுமானாலும் பயன்படுத்திப் புத்தகத்தைத் தரவிறக்கம் செய்துகொள்ளலாம். கிண்டில் அன்லிமிடெட் என்று ஒரு திட்டமும் உள்ளது. இது தற்போது பயன்படுத்திவரும் லெண்டிங் லைப்ரரி திட்டம் போன்றதுதான். அமேசானின் போட்டி நிறுவனமான கூகுள் பிளே புக்ஸ் சேவையும் பல்வேறு இந்திய மொழிகளில் புத்தகங்களை வழங்கி வருகிறது. Continue reading

Posted in இணைய நூலகம் | Tagged , , , , , | பின்னூட்டமொன்றை இடுக