Category Archives: உடல் நலம்

நான் உங்கள் கல்லீரல்: மிக உண்மையுள்ள ஊழியன், உங்களுக்குச் சேவை செய்ய எனக்கு உதவுங்கள்

ஹலோ…! இங்கே பாருங்கள்..! நான் தான் உங்கள் கல்லீரல் பேசுகிறேன். உங்கள் வயிற்றுப் பகுதியின் வலது பக்கத்தைத் தொட்டுபாருங்கள். வலது விலா எலும்புக் கூடு இருப்பதைத் தொட்டுப் பார்தீர்களா? இந்த விலா எலும்புக் கூட்டின் வலது கீழ்புறத்தில் நான் பாதுகாப்பாக இருக்கிறேன். உங்கள் வயிற்று அறைக்கு வலது மேல் பக்கத்திலும் நெஞ்சறையையும் வயிற்றறையும் பிரிக்கும் இடைத்திரைக்குக் கீழாகவும் பார்த்தால் நான் இருப்பது தெரியும். ஆப்பு வடிவத்தில் (wedge shaped) அமைந்துள்ள எனக்குக் கீழே உங்கள் பித்தப்பை (gall bladder) இருப்பது தெரிகிறதா? இடதுபுறம் உங்கள் இரைப்பை (stomach) இருப்பதையும் பாருங்கள்.சரி..! என்னைத் தொட்டுப்பார்த்து உணர முடிகிறதா?

உங்கள் உடலில் நான் ஓர் ஆச்சரியமான உறுப்பு என்று கூடச் சொல்லலாம். ஏன் தெரியுமா? உங்கள் உடலின் முக்கியமான 500 வேலைகளைச் நானே செய்கிறேன்! நான் இல்லை என்றால் நீங்கள் ஸ்தம்பித்துப் போய் விடுவீர்கள்!!நான் இல்லாமல் உங்களாலே வாழவே முடியாதுங்க!!! Continue reading

Posted in உடல் நலம் | Tagged , , , , | 9 பின்னூட்டங்கள்

ஹலோ.. நான் உங்கள் இரத்தம் பேசுகிறேன்!

ஹலோ.. நான் தான்  உங்கள் இரத்தம் (Blood) பேசுகிறேன். இந்தப் பதிவில் இரத்தம் தன்னைப் பற்றித் தானே கூறுவது போல எழுதியுள்ளேன். இதில் சொல்லப்பட்டுள்ளவை: இரத்தத்தின் கூறுகள் (Blood Components): சிவப்பு இரத்த அணுக்கள், வெள்ளை இரத்த அணுக்கள், இரத்த தட்டுகள். இரத்த வகைகள் A, B, AB மற்றும் O ஆகும். உங்கள் உடலில் இரத்த சுழற்சி (Circulation of Blood). இதயம்:  உடலில் இரத்தம் பாய்ச்சி சுழற்றும் பம்ப். இரத்த ஓட்டம் நடைபெற இதயத்தின் பங்கு. நுரையீரலில் இரத்தம் சுத்திகரிக்கப்படுவது பற்றிய உண்மைகள். சிறுநீரகத்தில் யூரியா மற்றும் கிரியாட்டினின் போன்ற இரத்தக் கழிவுகள் சுத்திகரிக்கப்பட்டுப் பிரித்தெடுக்கப்பட்டுச் சிறுநீர் எவ்வாறு வெளியேற்றப்படுகிறது? படித்துப் பாருங்கள். உங்கள் கருத்துகளைப் பின்னூட்டத்தில் பதிவு செய்ய வேண்டுகிறேன்.
Continue reading

Posted in உடல் நலம் | Tagged , , , , , , , , | 5 பின்னூட்டங்கள்

உங்களுக்கு டயபடிஸா…? -சுஜாதா

எனக்கு டயபடிஸ் இருந்தால், உங்களால் கண்டுபிடிக்க முடியுமா ?
!சுலபம். போன தடவை பார்த்ததற்கு, இந்தத் தடவை கொஞ்சம் சுருங்கித் தெரிவீர்கள். காபிக்கு ஷுகர் போடலாமா என்று கேட்டால், சற்று தாமதித்துக் கொஞ்சம் போடலாம் என்பீர்கள். நொறுக்குத் தீனி கொண்டு வைத்தால், கறிவேப்பிலையைக் கூட விட்டு வைக்காமல் சாப்பிட்டு விடுவீர்கள். இனிப்பு ஏதாவது கொண்டு வந்தால், கண்கள் பிரகாசமடையும். கல்யாணச் சாப்பாட்டில் இலை ஆரம்ப நிலைக்கு வந்ததுபோல், சுத்தமாக அத்தனையும் சாப்பிடுவீர்கள். அடிக்கடி தண்ணீர் குடிப்பீர்கள். ராத்திரி ஒரு முறையாவது புலி துரத்துகிற மாதிரி பயங்கரக் கனவு கண்டு எழுந்திருப்பீர்கள். அரைமணிக்கு ஒரு முறையாவது மூத்திரம் போவீர்கள். மனைவி – கணவனுக்குத் தெரியாமல் சாக்லேட், மைசூர்பா சாப்பிடுவீர்கள். காலை அடிக்கடி காலால் சொரிந்து கொள்வீர்கள். Continue reading

Posted in உடல் நலம், உணவு | Tagged , , | பின்னூட்டமொன்றை இடுக