Tag Archives: கேரளா

வாழப்பள்ளி மகாதேவர் கோவில் செப்பேடும் மலையாள மொழியின் செம்மொழித் தகுதியும்

இந்தியாவின் மத்திய பண்பாட்டுத் துறை அமைச்சகம் (Union Ministry for Culture, Government of India), மலையாள மொழியை இதன் இலக்கியப்பழமை அடிப்படையிலும் பிற பண்புத் தகுதிகளின் அடிப்படையிலும் செம்மொழி (Classical language) என்று வகைப்படுத்த வல்லுநர் குழு ஒன்றை அமைத்தது. இந்த வல்லுநர் குழு 2012 ஆம் ஆண்டு டிசம்பர் 19 நாளன்று  அளித்த பரிந்துரையை பண்பாட்டுத் துறை அமைச்சகம் மத்திய அமைச்சரவைக்கு அனுப்பியது. மத்திய அமைச்சரவை இந்தப் பரிந்துரையை ஏற்றுக்கொண்டு  2013 ஆம் ஆண்டு மே மாதம் 23 ஆம் நாளன்று மலையாள மொழியைச் செம்மொழி (Classical language) என்று, வகைப்படுத்தித் தகுதி வழங்கியுள்ளது.  வாழப்பள்ளி செப்பேடு வட்டெழுத்தில் பொறிக்கப்பட்ட ஓர் இன்றியமையாத ஆவணம். வாழப்பள்ளி மகாதேவர் கோவில் பற்றிய ஒரு தீர்ப்பாணையும் (decree), திருவாற்றுவையைச் சேர்ந்த சிலரிடையே ஏற்பட்ட உடன்படிக்கையும் ஆகும். இந்தத் தீர்ப்பனையை இரண்டாம் சேரப் பேரரசின் / குலசேகரப் பேரரசின் அரசரான இராஜசேகர வர்மா வெளியிட்டுள்ளார். இந்தச் செப்பேடு எவ்வாறு மலையாளம் செம்மொழி தகுதி பெற உதவியது என்பது பற்றி இந்தப்பதிவு விவரிக்கிறது.
Continue reading

Advertisements
Posted in கேரளா, தொல்லியல், மலையாளம், மொழி | Tagged , , , , , , , | 7 பின்னூட்டங்கள்

குதிரமாளிகா பேலஸ் மியூசியம் (புத்தன் மாளிகா), திருவனந்தபுரம்

குதிரமாளிகா பேலஸ் மியூசியம் (புத்தன் மாளிகா), திருவனந்தபுரம், திருவாங்கூர் சமஸ்தானத்தை ஆண்ட மன்னர் ஸ்ரீ சுவாதித் திருநாள் ராம வர்மாவால் கட்டடப்பட்டது. இந்த மாளிகை திருவனந்தபுரம் பத்மநாபசுவாமி கோவிலுக்கு அருகே  தென்கிழக்குப் பகுதியில் அமைந்துள்ள அரச கட்டிடங்களின் பரந்த வளாகத்தின் ஒரு பகுதி ஆகும்.   இந்த மாளிகைக்குக் குதிரமாளிகா என்று ஏன் பெயரிட்டார்கள் தெரியுமா? மாளிகையின் தெற்குப் பகுதியின் கூரையை, குதிரை வடிவங்களில் செதுக்கப்பட்ட 122 கொடுங்கைகள் (cornice) தாங்குகின்றன. இதனால்தான் இந்த மாளிகையைக் குதிரமாளிகா என்று அழைத்தார்கள். இந்த மாளிகையில் மொத்தம் 80 அறைகள் உள்ளன. இந்த 80 அறைகளில் 20 அறைகள் 1995 ஆம் ஆண்டு முதல் பார்வையாளர்களுக்காகத் திறக்கப்பட்டன. குதிரமாளிகாவின் ஒரு பகுதியானது, திருவாங்கூர் அரச பரம்பரைக் குடும்பத்திற்குச் சொந்தமான சொத்துக்களில் சிலவற்றை இந்த மாளிகையில் காட்சிப்படுத்தி, அருங்காட்சியகமாக மாற்றப்பட்டுள்ளது. இந்த மாளிகை மற்றும் அருங்காட்சியகத்தைப் பற்றி இந்தப் பதிவு விவரிக்கிறது.
Continue reading

Posted in சுற்றுலா, வரலாறு | Tagged , , , , , , | 2 பின்னூட்டங்கள்

கோட்டுக்கல் குடைவரைக் கோவில், கேரளா

கி.பி. 8 மற்றும் 9 ஆம் நூற்றாண்டைச் சேர்ந்த சில குடைவரைக் கோவில்களைக் கேரளாவைச் சுற்றிக் காணலாம். இந்த இந்துக் குடைவரைக் கோவில்களில் சிக்கலான கட்டிடக்கலையையோ அல்லது நுட்பமான சிற்பவேலைப்பாட்டையோ காணமுடியவில்லை. கேரளாவின் குடைவரைக் கட்டடக்கலை, தமிழ்நாட்டுக் குடைவரைக் கட்டடக்கலைப் பாரம்பரியத்திலிருந்து பரவியிருக்கலாம். இந்தக் குடைவரைகள் கேரளாவில் இரண்டு பகுதிகளில் திரண்டுள்ளன: ஒன்று பழைய சேர நாடு என்று அறியப்படும் வடகேரளம் மற்றொன்று ஆய் நாடு என்றறியப்படும் தென் கேரளம். கோட்டுக்கல் குடைவரைக் கோவில் கொல்லம் மாவட்டம், திருவனந்தபுரம் – கோட்டயம் எம்.சி. சாலையில் அமைந்துள்ளது. இந்தக் குடைவரை கோவில் கேரளக் குடைவரை கோவில் கலைப்பணியைக் கொண்டுள்ளது. கொட்டுக்கல் குடைவரை வளாகத்தில் சீரற்ற அளவில் இரண்டு குடைவரைகள் அமைந்துள்ளன. இந்தப்பதிவு இக்குடைவரைகளின் கட்டிடக்கலையமைப்பு மற்றும் வரலாறு பற்றிப் பதிவு செய்கிறது.
Continue reading

Posted in கோவில், தொல்லியல், வரலாறு, Uncategorized | Tagged , , , , , , | பின்னூட்டமொன்றை இடுக